Þorvaldur T. Jónsson stjórnarformaður KB kynnir skýrslu stjórnar á aðalfundi 2010

Kristján Axelsson frá Bakkakoti stjórnaði aðalfundi KB 19. apríl með Maríu Jónu Einarsdóttur, Borgarnesi.

Guðsteinn Einarsson kaupfélagsstjóri KB gerir grein fyrir rekstri félagsins á aðalfundi 2010.

Séð yfir fundarsal á aðalfundi KB 19-4-2010

Fundarritarar á aðalfund KB 2010 Guðrún Helga Andrésdóttir og Rebekka Þiðriksdóttir

Jón Sigurðsson, stjórnarformaður Samkaupa kynnti starfsemi félagssins á aðalfundi KB 19. apríl 2010

Guðrún Sigurjónsdóttir frá Glitstöðum, stjórnarmaður í KB í ræðustól á aðalfundi KB 19. apríl 2010

Þorkell Fjeldsted frá Ferjukoti í ræðustól á aðalfund KB 19. apríl 2010.

Þorkell í Ferjukoti

Marína Jóna Einarsdóttir, fundarstjóri og Einar Ole Pedersen vinna úr óskýrri tillögu

Einar Ole Pedersen frá Álftártungukoti í ræðustól á aðalfundi KB 19. apríl 2010

Aðalfundur Kaupfélags Borgfirðinga var haldin að Hótel Borgarnesi, mánudaginn 19. apríl 2010.

Á fundinn mættu 41 fulltrúi deilda, nokkrir félagsmenn, auk stjórnarar.  Þá var sérstakur gestur fundarins Jón Siguðrsson stjórnarformaður Samkaupa en hlutur KB í Samkaupum er stærsta einstaka eign þess.

Stjórnarformaður KB Þorvaldur T. Jónsson gerði grein fyrir starfsemi félagsins á árinu 2009. 

Guðsteinn Einarsson kaupfélagsstjóri kynnti reikninga KB og hliðarfyrirtækja og fór yfir rekstur á árinu 2009.

Jón Sigurðsson stjórnarformaður Samkaupa kynnti starfsemi þess félags, horfur og hugmyndir um eflingu félagsverslunar í landinu undir forystu Samkaupa og stærstu eigenda þess Kaupfélags Suðurnesja og Kaupfélags Borgfirðinga.

Rekstur félagsins var erfiður á árinu 2009.  Tap varð 63,3 milljónir króna.  Rekstur verslunar og fasteigna gekk vel, en erfið skuldastaða eftir hrun krónunar 2008 og mikið tap það ár á hlutdeildar og dótturfélögum kemur illa niður á rekstri þess.  Rekstur Samkaupa, en eignarhlutur í því félagi er stærsta einstaka eign KB gekk afar vel.  Kaupfélagið á nú í viðræðum við viðskiptabanka sinn um leiðréttingu lána og endurskipulagningu fjárhags.  Er þess vænst að hagstæðar niðurstöður liggi fyrir innan ekki mjög margra vikna.

Miklar umræður urðu á fundinum um stöðu KB, erfiða stöðu í atvinnumálum á svæðinu og áherslur í rekstri Samkaup, þá sérstaklega með kröfur félagsmanna KB um lækkun vöruverðs þá helst með uppsetningu á lágvöruverðsverslunar á félagssvæðinu.

Frekari upplýsingar um rekstur og stöðu má finna í ársskýrslu KB sem vistuð er hér á vefnum undir starfsemi KB.

Til baka