insælasta spurningaspil Skandinavíu í íslenskri útgáfu!

Heldurðu að þú vitir betur og iðar í skinninu að koma þeirri þekkingu að? Þú færð tækifæri til þess í nýjum spurningaleik og sýna öðrum að þú ert Bezzerwizzer!

Bezzerwizzer er krefjandi og líflegt spurningaspil þar sem reynt er á þekkingu spilara í 20 mismunandi flokkum. En í spilinu græðir þú á að þekkja eigin styrk og veikleika andstæðinga. Meðan á leik stendur geturðu jafnvel nappað uppáhaldsflokkunum þeirra eða svaraðu spurningum sem til þeirra er beint. Síðast en ekki síst, sannur Bezzerwizzer er sá sem getur svarað spurningum sem mótspilarar hans gátu ekki. Notaðu þekkingu, taktík og vélabrögð til að ná markmiðum þínum.

Í Bezzerwizzer eru 3.000 spurningar í 20 mismunandi flokkum.

Íslendingar leggja þekkingu sína að veði í spilinu Bezzerwizzer – Góð skemmtun með þekkingu að vopni!

Skemmtilega spurningaspilið fyrir alla fjölskylduna þar sem fjölskyldumeðlimir keppast um að sanna snilli sína í almennum fróðleik í 16 mismunandi spurningaflokkum.

Mælst er til þess að skipt sé í fullorðinslið og barnalið sem keppa hvort á móti öðru, því öllum 16000 spurningunum fylgir vísbending sem aðeins er ætluð börnunum. Vísbendingin er oft myndræn og er sýnd á leikborðinu.

Sem fyrr er hægt að fá stig fyrir að svara spurningum mótliðsins eða gera því grikk með því að stela flokknum þeirra.

Spennandi og skemmtileg leið fyrir unga sem aldna að fræðast um heima og geima.

Skemmtilegt spil fyrir 2 eða fleiri leikmenn, 10 ára og eldri, þar sem tveimur vinsælum spilum er slegið saman – Bezzerwizzer og Timeline.

Leikmenn skipta sér í tvö lið og spila 4 umferðir í 2 hálfleikjum. Eins og í Timeline, er markmiðið að raða sögulegum atburðum í rétta tímaröð en eins og í Bezzerwizzer, er hægt að nota fídusa eins og ZWAP og BEZZERWIZZER til að klekkja á mótliðinu. Liðið sem er stigahærra eftir seinni hálfleik eða nær að komast heilan hring á leikborðinu með rothöggi sigrar!

Skemmtilegt og margverðlaunað orðaspil. Leikmenn skipta sér í tvö njósnaralið og markmið þeirra er að finna liðsfélaga sína sem táknaðir eru með dulnefnum á leikborðinu. Njósnameistarar hvors liðsins geta borið kennsl á njósnarana og gefa liðinu sínu vísbendingar til að leiða það að réttu dulnefnunum. Liðið sem fyrst tekst að ráða öll dulnefni af réttum lit vinnur. En gætið ykkar, leigumorðinginn gæti leynst á bak við eitt þeirra! Frábær skemmtun fyrir 2-8 leikmenn.

Fuglaspilið er í anda spilsins „Veiðimaður“ þar sem markmiðið er að safna fjögurra spila samstæðum. Í stað hefðbundinna spila er spilað með íslenskar fuglategundir. Á spilunum eru upplýsingar um  þjóðtrú tegundanna, latínuheiti, búsvæði og ætt. Spilið er hugsað til fróðleiks og skemmtunar.

Stórskemmtilegur samkvæmisleikur frá framleiðendum Bezzerwizzer fyrir  4-10 leikmenn, 15 ára og eldri. Markmiðið er að gefa rétt svar og vera fyrsta liðið á lokareit. Leikmenn skipta sér í lið og einn úr hvoru liði er valinn í hverri umferð til að gefa vísbendingu. Vísbendingin er gefin með því að leika, raula, tala eða teikna, eftir því sem spilið segir til um.

Umfjöllunarefnið er á milli himins og jarðar en á hverju spili er eitt bannorð sem ekki má giska á. Getið þið teiknað evrópskar höfuðborgir? Talað um yfirnáttúrulegar kvenverur? Raulað upphafsstef úr sjónvarpsþáttum? Leikið tilfinningar?

Ef svo er, og ef svo er ekki, munuð þið skemmta ykkur konunglega yfir HINT.

Skemmtilegt spil fyrir 4 eða fleiri leikmenn, 8 ára og eldri, frá framleiðendum Bezzerwizzer og HINT.

Leikmenn skipta sér í tvö lið og einn úr liðinu er valinn til að lesa spjaldið og gefa félögum sínum vísbendingar um ákveðin orð sem tengjast því sem er framan á spjaldinu. Vísbendingar geta verið í formi hljóða, teikninga, tals, látbragðs eða hintmoji-merkja. Liðið reynir síðan að giska á orðin 3 aftan á spjaldinu út frá vísbendingunni en forðast forboðna orðið sem getur kostað liðið stig. Liðin safna stigum sem koma því áfram á leikborðinu og fyrra liðið sem kemst í mark sigrar.

Litla fuglaspilið er minni útgáfa af Fuglaspilinu en þá er spilað samstæðuspil. Litla fuglaspilið er fyrir yngri aldurshópinn, einfaldari útgáfa þar sem einungis nöfn tegundanna er á spil­inu með myndinni. Nöfn tegundanna eru á Íslensku, ensku, pólsku og latínu í sama stokki.

Stærð 8 x 8cm

Þetta klassíska og vinsæla fasteignaspil sem margir hafa beðið eftir er nú komið aftur í nýrri útgáfu. Farðu um borgina og finndu verðmætar götur, samgöngumiðstöðvar og þjónustufyrirtæki– allt er til sölu. Hver vill ekki eignast Reykjavíkurflugvöll, Kringluna eða Laugaveginn? Leiðin til sigurs er að sýna fyrirhyggju, fjárfesta vel og gera góða samninga. Því fleiri eignir sem þú átt því hærri leigutekjur! Sá leikmaður sigrar sem enn á reiðufé þegar allir hinir leikmennirnir eru orðnir gjaldþrota!

Spilaborðið inniheldur margar vinsælar götur í Reykjavík, fyrirtæki og þjónustufyrirtæki.

Partners er herkænskuborðspil þar sem spilað er í tveimur tveggja manna liðum. Spilinu er best lýst sem eins konar lúdó með spilum sem koma í stað teninga. Auk þess eru ýmis spil sem hægt er að nota til að ná forskoti eða klekkja á andstæðingunum. Spilið snýst um að vera á undan mótliðinu að koma öllum peðum liðsins á lokareit. Mikilvægast er að vinna saman sem félagar og beita réttu kænskubrögðunum.

Partners Duo er herkænskuborðspil þar sem tveir leikmenn spila hvor á móti öðrum í stað þess að spila í liðum eins og í upprunalega Partners. Hvor leikmaður leikur með sex peð, sem skiptast á milli heimasvæða beggja megin á borðinu. Spilinu er best lýst sem eins konar lúdó með spilum sem koma í stað teninga. Auk þess eru ýmis spil sem hægt er að nota til að ná forskoti eða klekkja á andstæðingnum. Spilið snýst um að vera á undan að koma öllum peðunum sínum á lokareit. Hér gildir reglan ‘hver fyrir sig’ og að beita réttu kænskubrögðunum.

Hið sívinsæla Scrabble, sem Íslendingar þekkja einnig sem Skrafl, er nú komið aftur í endurbættri útgáfu en það hefur verið ófáanlegt um árabil.

Eins og áður snýst spilið um að mynda orð með stafatöflum á leikborði þannig að þau gefi sem flest stig.

Stigakerfið hefur verið endurreiknað og stafatöflurnar eru úr viði en leikurinn er í grunninn sá sami.

Nú geta allir stafsetningarsjúklingar og aðrir orðheppnir tekið gleði sína og spilað nýtt og betra Scrabble!